sekolah itu lebe dari itu

ade kaka su putus sekolah 

Bukan karena biaya, bukan karena perkara tra mampu 

Tapi karena cara pandang kaka soal sekolah beda deng yang lain 

Mungkin orang lain cara pandang tentang sekolah, supaya kase bahagia papa deng mama 

Deng satu lembar kertas yang orang sering kase nama dia ijasah Ade 

Kaka tra mau ade bafikir kaya dorang

Papa deng mama kase ongkos ade deng doi pe besar itu bukan Cuma cari ijasah yang bisa tarobek ade

Sekolah tra sesempit itu ade. 

Banya membaca ade, Bukan Cuma baca buku Tapi baca lingkungan dengan orang lain pe pengalaman 

Supaya ade bisa lia Sekolah yang Cuma cari ijasah, ujung-ujungnya cuma bafikir doi sampai akhirnya jadi budak di tampa kerja 

Sekolah itu memanusiakan torang bukan bikin torang jadi binatang karena lantaran cuma bafikir uang

Baca lingkungan di sekitar ade,Yang pancuri doi Negara, yang lupa tuhan itu kebanyakan orang yang sekolah Cuma cari ijasah 

Sekolah itu lebe dari itu ade 

Jang bafikir orang pe omongan Jang terjebak deng kata ijasah bisa kase bahagia papa deng mama Kebahagian yang dong maksud itu kebahagian palsu

Kaka Cuma kase inga ade Selama apa yang ade bikin itu baik bikin saja 

Banyak orang besar lahir dari cacian dan hinaan 

Semangat belajar ade, Jang lupa terus babaca supaya ade lebih bijak dalam memandang segalah sesuatu 

Bukan Cuma ikut rame sampe jadi terasing deng dunia.